Şriftin ölçüsü :

Saytın rəngi :

Dam örtüyündə yanğın baş vermiş yaşayış binasında işlər yekunlaşır

05 mart 2018 | 11:00

25 fevral 2018-ci il tarixdə axşam saatlarında Ağstafa şəhəri Üzeyir Hacıbəyov küçəsi  28 ünvanında yerləşən 16 ailəlik iki mərtəbəli çoxmənzilli yaşayış binasının dam örtüyündə yanğın hadisəsi baş vermişdir. Yanğın nəticəsində dam örtüyünün 200 kvadrat metrədək sahəsi yararsız hala düşmüşdür. Yanğın zamanı binanın sakinləri dərhal təxliyə edilmişdir. Yanğınsöndürənlərin  həyata keçirdikləri təxirəsalınmaz tədbirlər nəticəsində yanğının mənzillərə keçməsinin qarşısı alınaraq qısa müddətdə tamamilə söndürülmüşdür. Binaya dəyən zərər müvafiq qaydalara uyğun olaraq araşdırılmış və hazırda bu istiqamətdə həyata keçirilən  təmir-tikinti işləri yekunlaşmaq üzrədir. Ağstafa rayon İcra hakimiyyətinin başçısı cənab Məhərrəm Quliyev rayonun bir sıra məsul şəxsləri ilə birlikdə binaya baxış keçirdi və orada yaşayan sakinlərlə görüşdü. Sakinlərə bildirildi ki, qısa müddət ərzində yanğın nəticəsində binaya dəymiş ziyan tam olaraq aradan qaldırılacaq və bu cür hadisənin təkrar baş verməsinin qarşısının alınması üçün zəruri tədbirlər görülür. Binanın sakinləri  öz mənzillərində əvvəlkindən də rahat və təhlükəsiz  yaşamağa davam edəcəklər. Sakinlər onlara göstərilən yüksək diqqətə görə dərin minnətdarlıqlarını ifadə etdilər.

 

Keçidlər