Şriftin ölçüsü :

Saytın rəngi :

Sadıqlı kəndində növbəti səyyar görüş

12 mart 2018 | 11:00

Ölkə rəhbərliyinin müvafiq tapşırığına uyğun olaraq  Ağstafa rayonunun yaşayış məntəqələrində  rayon İcra hakimiyyəti başçısının sakinlərlə səyyar görüşləri davam etdirilir. Ağstafa rayon İcra hakimiyyətinin başçısı cənab Məhərrəm Quliyev növbəti səyyar görüşünü rayonun Sadıqlı kəndində keçirib.  Tədbirdə rayon İcra hakimiyyəti başçısı aparatının məsul işçiləri, rayonun hüquq-mühafizə,  müvafiq idarə, müəssisə və təşkilatlarının rəhbərləri, eləcə də kənd ictimaiyyətinin nümayəndələri iştirak edib. Tədbiri giriş sözü ilə açan İcra başçısı  diqqətə çatdırdı ki,  bu cür səyyar görüşlərin keçirilməsində əsas məqsəd Sadıqlı kəndi kimi digər rayon mərkəzindən uzaq məsafədə yaşayan sakinlərin əlavə əziyyət çəkərək rayon mərkəzinə getməməsindən ibarətdir. Görüşdə hər  bir vətəndaşı narahat edən istənilən məsələnin səsləndirilməsi xahiş olundu.  İcra başçısı ölkəmizin sürətli sosial-iqtisadi inkişafından, mövcud siyasi sabitliyindən, əmin-amanlığından  geniş söz açıb. Həmçinin ölkə rəhbərliyinin müvafiq tapşırıqlarına əsasən rayonda görülən geniş abadlıq, quruculuq, əsaslı yenidənqurma işlərindən, həyata keçirilən irimiqyaslı sosial infrastruktur layihələr barədə danışıb. Qeyd olunub ki, sadalanan  işlər dövlət başçımız cənab İlham Əliyevin  Ağstafaya və ağstafalılara göstərdiyi yüksək diqqət və qayğının bariz nümunəsidir.  Sonra səyyar görüşdə sakinləri narahat edən məsələlər öyrənilib. İcra başçısı məsələlərin   operativ  qaydada həll olunması istiqamətində aidiyyatı üzrə konkret tapşırıqlarını verib.

 

Keçidlər