Ağstafalı İş adamı Elmar Kərimov “Biz birlikdə güclüyük” aksiyasına qoşularaq aztəminatlı ailələrə yardım göstərib
Koronavirus (COVID-19) pandemiyası ilə əlaqədar xüsusi karantin rejiminin tətbiq olunduğu dövrdə dövlət tərəfindən həyata keçirilən tədbirlərə dəstək məqsədilə Ağstafa rayonundan olan iş adamı Elmar Kərimov “Biz birlikdə güclüyük” aksiyasına qoşulub.
E.Kərimov koronavirus (COVID-19) epidemiyasının tüğyan etdiyi, insanların, xüsusən yaşlıların ev şəraitində, ətraf aləmdən təcrid vəziyyətdə yaşadıqları bir vaxtda yüksək xeyirxahlıq nümayiş etdirib. Ağstafalı iş adamı Rayon İcra Hakimiyyəti Başçısının İnzibati Ərazi Dairəsi üzrə nümayəndələri və könüllülərilə birgə Köhnəqışlaq, Pirili, Xılxına, Kolxəlfəli, Düzqışlaq və Qarahəsənli kəndlərində 300 aztəminatlı ailəyə ərzaq yardımı göstərib. Layihədə karantin rejimi müddətində rayonun bütün yaşayış məntəqələrində daha 700 aztəminatlı ailəyə ərzaq yardımı göstərilməsi nəzərdə tutulmuşdur. Sakinlər iş adamına xeyriyyəçilik əməlinə görə öz minnətdarlıqlarını bildiriblər.
Qeyd edək ki, Ağstafa Rayon İcra Hakimiyyətində yaradılan koronavirusla mübarizə üzrə qərargah bu cür xeyriyyəçilik təşəbbüsünü dəstəkləməklə, geniş yayılması istiqamətində də lazımi iş aparır.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
