Ağstafada koronavirus təhlükəsinə qarşı dezinfeksiya tədbirləri davam etdirilir

Ölkəmizdə Nazirlər Kabineti yanında Operativ Qərargahın koronavirus pandemiyası təhlükəsi ilə əlaqədar tibbi-profilaktiki tədbirlərin və xüsusi karantin rejiminin tələblərinə riayət olunmasına diqqət günü-gündən artırılır. Bu istiqamətdə Ağstafa Rayon İcra Hakimiyyəti tərəfindən  həyata keçirilən tədbirlər çərçivəsində  Ağstafa şəhərinin prospekt və küçələri  virus əleyhinə xüsusi dərman preparatları ilə təchiz edilmiş kommunal texnikalarla  növbəti dəfə yuyularaq dezinfeksiya olunub. Sanitar-profilaktik tədbir güclədnirilmiş iş rejimində çalışan rayon təsərrüfatına aid xidmət təşkilatlarının, eləcə də Gigeyina və Epidemiologiya Mərkəzinin mütəxəssislərinin iştirakı ilə Ağstafa şəhər  Heydər Əliyev prospektini, Üzeyir Hacıbəyov, Hüseyn Arif, Rafiq Alıcanov,  M.Ə.Rəsulzadə, Səməd Vurğun, 20 Yanvar, Cəfər Cabbarlı, Rəfayıl Əsədov, Ağamalıoğlu, Nəriman Nərimanov, Nüsrət Kəsəmənli, Eyvaz Qələmçəli və ətraf keçələri əhatə edib. Eyni zamanda park və meydanlar, çoxmənzilli yaşayış binalarının həyətləri, binaların girişləri, eləcə də sakinlərin daha çox istifadə etdiyi yerlər karantin-sanitariya qaydalarının tələblərinə uyğun şəkildə dezinfeksiya olunur. İnfeksiyasının yarada biləcəyi təhlükənin qarşısının alınması məqsədilə rayonun bütün yaşayış məntəqələrində könüllülər tərəfindən əhali arasında maarifləndirmə işləri davam etdirilir. Profilaktik tədbirlərin effektivliyinin yüksəldilməsi məqsədilə rayonun idarə, müəssisə və təşkilatlarında sanitar-gigiyenik vəziyyətə ciddi nəzarət olunur.