Xocalı soyqırımının il dönümü ilə əlaqədar silsilə tədbirlər keçirilir

Ağstafa rayonunda  Xocalı soyqırımının iyirimi beşinci ildönümünün qeyd olunmasına  dair  rayon İcra hakimiyyətinin başçısı cənab Məhərrəm Quliyevin müvafiq sərəncamı ilə tədbirlər planı təsdiq olunmuşdur.
  Tədbirlər planı çərçivəsində bu gün Ağstafa Rayon Mərkəzi Xəstəxanasında soyqırım qurbanlarının anım tədbiri keçirilmişdir. Tədbirdə Xocalı faciəsində həlak olanların xatirəsi bir dəqiqəlik sükutla yad edildi . Tədbirdə giriş sözü ilə Ağstafa rayon İcra hakimiyyəti başçısının müavini Lalə Eyyubova çıxış edərək 1992-ci ilin soyuq qış günündə 366-cı rus alayının köməyi ilə  erməni faşistlərinin törətdikləri soyqırım haqqında geniş danışdı .                                                                
Sonra Ağstafa Rayon Mərkəzi Xəstəxananın baş həkimi İlham Mustafayev öz çıxışında Azərbaycan xalqına  qarşı törədilmiş  qanlı hadisədə silahsız və köməksiz uşaqlara, qadınlara və  qocalara qaşı amansız  divan tutulduğunu qeyd etdi. Digər çıxış edənlər  RİH Başçısı aparatı  İctimai-siyasi  və humanitar  məsələlər şöbəsinin baş məsləhətçisi   Şahhüseyn Qurbanov, Baş həkimin müalicə işləri üzrə müavini  Fatma  Vəliyeva və konsultativ poliklinikanın müdiri Həcər Namazova   baş verən hadisələri təkcə  Azərbaycan xalqına  deyil bütün bəşəriyyətə qarşı yönəldilmiş, insanlığa sığmayan faciə olduğunu tədbir iştiakçılarının nəzərinə çatdırdılar.