Ağstafada xalça toxuculuğu müəssisəsinin tikintisi sürətlə davam edir
Azərbaycan Respublikasının Prezidenti cənab İlham Əliyevin tapşırığına uyğun olaraq Ağstafa rayonunda ənənəvi istehsal və emal sahələrinin bərpası istiqamətində işlər uğurla davam etdirilir. Belə ki, Ağstafada qədim xalçaçılıq ənənələrinin olması nəzərə alınaraq “Azərxalça” ASC-nin Ağstafa filialının təsis edilməsi qərara alınmışdır. Tikinti üçün rayon İcra hakimiyyəti tərəfindən şəhərin Hüseyn Arif küçəsində 0.38 ha torpaq sahəsi ayrılmışdır. Layihə üzrə bir mərtəbəli və sahəsi 1246,0 kv. metr olacaq binanın inşaat işlərində hazırda dəmir-beton işləri aparılır. Burada 465,60 kv. metr sahə toxuculuq zalı üçün nəzərdə tutulub. Toxuculuq müəssisəsini ixtisaslı işçilərlə təmin etmək məqsədi ilə Heydər Əliyev Mərkəzində xalçaçılıq dərnəyi yaradılmışdır. Müəssisə fəaliyyətə başladıqdan sonra burada 120 nəfər daimi işlə təmin olunacaqdır.
