Yenidənqurma işləri aparılan Ağstafa şəhəri 2 saylı körpələr evi uşaq bağçasında işlər tamamlanmaq üzrədir

Ölkə  təhsilinin sistemli şəkildə inkişafı  dövlətimizin yürütdüyü siyasətin ən prioritet istiqamətlərindən biridir. Ölkəmizin bütün yerlərində olduğu kimi Ağstafa rayonunda da  elm və təhsilin inkişafına dövlət qayğısı günü-gündən artırılır, ümumi təhsil məktəblərinin və məktəbəqədər təhsil müəssisələrinin maddi-texniki bazasının gücləndirilməsinə xüsusi diqqət yetirilir. Ağstafada  fəaliyyət göstərən  körpələr  evi-uşaq bağçalarının cari vəziyyətləri, oradakı mövcud şərait  xüsusi komissiya tərəfindən təhlil edilərək  dəqiqliklə araşdırılır. Beləliklə  qəzalı vəziyyətdə olan məktəbəqədər təhsil müəssisələri  üçün yeni binalar tikilir, əsaslı təmir tələb olunanlar  yenidən qurulur, cari təmirə ehtiyacı olan binalarda  isə təmir-bərpa işləri həyata keçirilir. Bu istiqamətdə icra olunan tədbirlər çərçivəsində  yenidənqurma  işləri aparılan məktəbəqədər təhsil müəssisələrindən biri də Ağstafa  şəhəri  2 saylı körpələr evi-uşaq bağçasıdır.
4 qrupdan ibarət  uşaq bağçasının fəaliyyətinin dayandırmamaq məqsədi ilə korpuslar növbə ilə təmir olunmuşdur.
Ağstafa rayon İcra hakimiyyətinin  başçısı Məhərrəm Quliyev  rayonun bir sıra məsul şəxsləri ilə birlikdə  növbəti dəfə sözü gədən məktəbəqədər təhsil ocağında yaradılan şəraitlə yaxından tanış olub. Bağçanın müəllim və tərbiyəçiləri ilə görüşərək onların əlavə istək və təkliflərini öyrənib. İşlərin aparılmasına   məsul şəxslərə müvafiq tapşırıqlarını verib.
Yenidənqurma işləri çərçivəsində binanın dam örtüyü, qapı və pəncərələri yenidən qurulub, otaqların divar qatları,  tavanları  və döşəmələri yenilənib, yeni sanitar qovşaqlar tikilib, kanalizasiya xətləri yenidən qurulub, müasir tipli yeni mərkəzləşdirilmiş istilik sistemi quraşdırılıb,  həyətyanı sahəyə brusçatka tipli dekorativ daş döşənibdir.