Rayonun yol-nəqliyyat infrastrukturu kompleks şəkildə yenidən qurulur

12 fevral 2019 | 11:00

Bu gün rayon İcra hakimiyyətinin başçısı cənab Məhərrəm Quliyev hüquq-mühafizə orqanları və idarə müəssisə rəhbərləri ilə birgə Ağstafa-Yenigün-Xətai-Qaçaq Kərəm yollarının yenidən qurulması işlərinə baxış keçirdilər. İcra başçısı kommunikasiya xətlərinin çəkilişi ilə məşğul olan qurumlara yol-nəqliyyat infrastrukturuna maniə törədən xətləri və elektrik dirəkləri yeniləri ilə əvəzlənməsi üçün müvafiq tapşıqlarını verdi. Bildirildi ki, bütün işlər texnoloji ardıcıllığa riayət edilməklə və yüksək keyfiyyətlə görülür. Asfaltın belə sürətlə keyfiyyətli vurulması onu deməyə əsas verir ki, yaxın müddətdə yolun çəkilişi sona çatacaqdır. Müasir standartlara cavab verən yola görə sakinlər ölkə başçısına dərin minnətdərlıqlarını bildirdilər.

Keçidlər