“Xocalı Soyqırımı”nın 27-cı il dönümü ilə əlaqədar məktəblərdə anım tədbirləri keçirilib
Ağstafa rayon ümumtəhsil müəssisələrində "Xocalı Soyqırımı”nın 27-ci il dönümü ilə əlaqədar anım tədbirləri keçirilib. Təhsil müəssisələrində “Xocalı Soyqırımı”nın 27-ci il dönümü ilə əlaqədar tədbirlər, “Dəyirmi masa”lar, ədəbi-bədii kompozisiyalar, “açıq dərs”lər vətənpərvərlik mövzusunda bədii qiraət gecələri təşkil edilib. Xocalı faciəsi qurbanlarının, Azərbaycanın müstəqilliyi və ərazi bütövlüyu uğrunda canından keçmiş şəhidlərin əziz xatirəsi bir dəqiqəlik sükutla yad edilib. Şagirdlərə Dağlıq Qarabağ münaqişəsi, Xocalı şəhərində 1992-ci ilin fevral ayının 25-dən 26-a keçən gecə dinc əhaliyə qarşı törədilmiş vəhşilik barədə şəkillər və məqalələr vasitəsilə geniş məlumat verilib. Tədbirlərin keçirilməsində məqsəd gənc nəsli vətənpərvər ruhda tərbiyə etmək, gələcəyimiz olan şagirdlərə tariximizi mənimsətmək, qan yaddaşımıza yazılan bu faciəni bir daha xatırlamaq və vətən uğrunda şəhid olan oğul-qızlarımızı heç zaman unutmamaqdır. Şagirdlər “Xocalı Soyqırımı”na həsr edilmiş şeirlər, bayatılar, mahnılar söyləyib, ədəbi-bədii kompozisiyalar nümayiş etdiriblər.
