Ağstafa: Vətən müharibəsi qaziləri evlərində ziyarət olunur
Ağstafa Rayon İcra Hakimiyyətinin başçısı Seymur Orucov rayonun hüquq-mühafizə orqanlarının rəhbərləri ilə birlikdə torpaqlarımızın düşməndən azad edilməsi istiqamətində uğurlu hərbi əməliyyatlarda qazi adını qazanan Vətən müharibəsi iştirakçılarını evlərində ziyarət edir.
Rayon rəhbəri qazilərimiz və onların ailə üzvləri ilə səmimi söhbətlər aparır, müzəffər Ali Baş Komandan İlham Əliyevin böyük bacarığı və qətiyyəti sayəsində düşmən üzərində qələbə qazanan rəşadətli Azərbaycan Ordusunun şərəfli döyüş yolundan söz açır.
Müxtəlif bədən xəsarətləri alan qazilərimizin ailə üzvləri övladları ilə qürur duyduqlarını qeyd edərək göstərilən yüksək diqqət və qayğıya görə dövlətimizin başçısına dərin minnətdarlıqlarını bildirirlər.
Hamlet QASIMOV, “Xalq qəzeti”nin bölgə müxbiri
