Ağstafalı Vətən müharibəsi şəhidimiz MƏTLƏB ƏLƏSGƏROV
Ələsgərov Mətləb Vüqar oğlu, 18.07.1999-cu ildə Ağstafa rayonunun Köçəsgər kəndində anadan olub. Orta təhsilini Köçəsgər kənd Azər Ələkbərov adına 2 nömrəli tam orta məktəbində alıb. 2016-cı ildə orta məktəbi bitirdikdən sonra ADNSU-nun Qaz-neft mədən fakültəsinin Neft-qaz qurğuları mühəndisliyi ixtisasına qəbul olub. 2020-ci ildə ali təhsilini başa vurduğu universitetin magistratura pilləsinə qəbul olunur. Lakin vətənə olan borcunu ödəmək üçün təhsilini dondurub 2020-ci ilin iyulunda həqiqi hərbi xidmətə yollanır.
44 gün sürən Vətən müharibəsində torpaqlarımızın işğaldan azad olunması zamanı Füzuli istiqamətində gedən döyüşlərdə şəhidlik zirvəsinə yüksəlib. Şəhidimiz 10 oktyabr 2020-ci ildə doğma kəndində izdihamla torpağa tapşırılıb. M.Ələsgərov, Azərbaycan Respublikasının Prezidenti İlham Əliyevin müvafiq sərəncamı ilə “Vətən uğrunda” medalı ilə təltif olunub.
Allahdan bütün şəhidlərimizə rəhmət diləyir və ruhları qarşısında baş əyirik!
