"Xəmsə" milli intellektual oyununun Ağstafa rayon çempionatı keçirildi
Rayon Gənclər Mərkəzində Ağstafa rayon Gənclər və İdman İdarəsinin təşkilatçılığı ilə yeniyetmə və gənclərin milli intellektual səviyyəsinin yüksəldilməsinə xidmət edən "Xəmsə" milli intellektual oyununun Ağstafa rayon ,çempionatı keçirildi. Çempionatda Ağstafa şəhər 1 və 2 saylı, Dağ Kəsəmən kənd 1 və 2 saylı, Köşəsgər kənd 1 və 2 saylı, Aşağı Göycəli, Poylu, Qaçaq Kərəm, Kolxəlfəli, Qıraq Kəsəmən və Eynallı kənd tam orta məktəblərinin 12 komandası iştirak edirdi. Maraqlı və gərgin mübarizə şəraitində keçən yarışda 1-ci yerə Dağ Kəsəmən kənd 2 saylı tam orta məktəbin, 2-ci yerə Ağstafa şəhər 1 saylı tam orta məktəbin, 3-cü yerə isə Aşağı Göycəli kənd tam orta məktəbin komandaları layiq görüldülər. Çempionatda yüksək yerləri tutmuş komandalar Ağstafa rayon Gənclər və İdman İdarəsinin diplom və müxtəlif həvəsləndirici hədiyyələri ilə təltif olundular .
