Ulu öndər Heydər Əliyevin anadan olmasının 91-ci ildönümü münasibəti ilə “Gül Bayramı” və “Kitab Bayramı” keçirildi
06 may 2014-cü il tarixdə Heydər Əliyev Muzey-Mərkəzində ulu öndər Heydər Əliyevin anadan olmasının 91-ci ildönümü münasibəti ilə “Gül Bayramı” və “Kitab Bayramı” keçirildi.
İlk öncə Ağstafa rayonu İcra hakimiyyətinin başçısı cənab Məhərrəm Quliyev və rayon ictimaiyyəti Azərbaycan xalqının ümummilli lideri Heydər Əliyevin abidəsini ziyarət edərək abidə önünə gül dəstələri qoydular.
Sonra Heydər Əliyev Muzey-Mərkəzinin önündə nümayiş etdirilən böyük kitab və gül sərgisinə baxış keçirildi. Tədbir iştirakçıları sərgidə nümayiş etdirilən ümummilli lider Heydər Əliyevin həyat və fəaliyyətindən bəhs edən kitablara nəzər saldılar. Texniki Yaradıcılıq və Uşaq Yaradıcılıq Mərkəzlərinin təqdim etdikləri əl işlərindən ibarət sərgi böyük marağa səbəb oldu.
Tədbir daha sonra Heydər Əliyev Muzey-Mərkəzinin böyük zalında davam etdirildi. Tədbirdə ulu öndər Heydər Əliyevin həyat və fəaliyyətindən bəhs edən film nümayiş olundu. Daha sonra tədbir ulu öndərin anadan olmasının 91-ci ildönümünə həsr olunmuş geniş konsert proqramı ilə davam etdirildi.
