28 MAY - Respublika Günü münasibəti ilə keçirilən futbol birinciliyi başa çatdı
29 may 2014 | 10:00
28 MAY - Respublika Günü münasibəti ilə uşaqlar arasında keçirilən futbol birinciliyi başa çatdı. Oyunlar Ağstafa şəhər Stadionunda baş tutdu.
Birincilikdə rayonun orta ümumtəhsil məktəblərinin komandaları ilə yanaşı rayon Təhsil şöbəsinin nəzdindəki Uşaq Gənclər İdman Məktəbinin və “Ağstafa Gəncləri” peşəkar futbol klubunun komandaları da iştirak edirdi.
28 may 2014-cü il tarixdə birinciliyin yekun oyunu keçirildi. Final mərhələsinə yüksəlmiş Uşaq Gənclər İdman məktəbinin və “Ağstafa Gəncləri” peşəkar futbol klubunun komandalarının qarşılaşmasında birincilər qalib gəldi. 1-ci, 2-ci və 3-cü yerləri tutmuş komandalar kubok, “Fəxri Fərman”lar və həvəsləndirici hədiyyələrlə təltif olundular.
Keçidlər
