Milli Qurtuluş günü münasibəti ilə bayram tədbiri keçirildi
16 iyun 2014 | 10:00
15 iyun Milli Qurtuluş günü münasibəti ilə Ağstafa şəhər Heydər Əliyev Parkında geniş bayram konserti oldu. Rayonun idarə, müəssisə və təşkilatlarının əmək kollektivlərinin, şəhid ailələri və Qarabağ əlillərinin, ziyalı və ağsaqqallarının iştirak etdiyi bayram tədbirində Ağstafa rayon İcra hakimiyyətinin başçısı cənab Məhərrəm Quliyevin təbrik məktubu oxundu. Milli Qurtuluş Günü bayramına həsr edilmiş konsert proqramında Ağstafa rayon mədəniyyət evinin musiqi ansamblının, Ağstafa şəhər uşaq musiqi məktəbinin şagirdlərinin ifasında mahnı və ədəbi bədii qiraət səsləndi. Yeniyetmə və gənc rəqqasların iştrakı ilə xalq rəqsləri ifa olundu.
Konsert proqramı hər bir ağstafalının ürəyincə oldu.
Keçidlər
