AĞSTAFA TƏHSİLİNİN UĞURU
Azərbaycan Respublikasının Prezidenti cənab İlham Əliyevin 17 dekabr, 2014-cü il tarixli Sərəncamı ilə “Ən yaxşı müəllim” və “Ən yaxşı ümumtəhsil məktəbi” müsabiqəsinin qalibləri mükafatlandırılmışdır. 2013/2014-cü tədris ilində keçirilmiş “Ən yaxşı müəllim” müsabiqəsində müvəffəqiyyət qazandıqlarına görə 5000 (beş min) manat məbləğində birdəfəlik pul mükafatı ilə mükafatlandırılanların siyahısında Ağstafa şəhər texniki-hümanitar təmayüllü liseyin müəllimi Nəsirov Ramiz Rafael oğlu və Saloğlu qəsəbə tam orta məktəbinin müəllimi İsgəndərov Yaşar Çoban oğlu da vardır.
Azərbaycan Respublikası Prezidentinin Sərəncamı ilə 2013/2014-cü tədris ilində keçirilmiş “Ən yaxşı ümumtəhsil məktəbi” müsabiqəsində müvəffəqiyyət qazandıqlarına görə Ağstafa rayonunun iki məktəbi mükafatlandırılmışdır. Ağstafa şəhər 1 nömrəli və Dağ Kəsəmən kənd 1 nömrəli tam orta məktəblərinə Azərbaycan Respublikası Prezidentinin Sərəncamı ilə 10000 (on min) manat məbləğində birdəfəlik pul mükafatı verilmişdir.
