Ağstafada kənd arası və kənd daxili yollar təmir olunur
“Ağstafa rayonunun sosial-iqtisadi inkişafı proqramına 2014-2018-ci illər” uyğun olaraq rayonunun qəsəbə və kəndlərində avtomobil yollarının əsaslı təmiri və xırlanmasına başlanılmışdır. Rayonun Köçvəlili kənd İƏD-ə daxil olan Siyuqbulaq qəsəbəsində kəndarası yolların əsaslı təmiri işləri aparılır. Yolun əsas hərəkət hissəsində çuxurlar müvafiq texnika ilə düzəldilir, yolun kənar sərhədləri müəyyən edilir və yenidən xırlanır. Hazırda bu istiqamətdə aparılan işlər Soyuqbulaq qəsəbəsini Qarayazı qəsəbəsi ilə birləşdirən avtomobil yoluna doğru irəliləyir. Qəsəbənin kənddaxili yollarının xırlanması başa çatan kimi işlər Qarayazı qəsəbəsi istiqamətinə yönələn avtomobil yolunda davam etdiriləcəkdir.
Cari il ərzində bütün qəsəbə və kəndlərdə kəndarası yolların cari təmiri və xırlanması işlərinin aparılması nəzərdə tutulur.
