“Şahin” hərbi idman növü üzrə növbəti rayon birinciliyi keçirildi
Ağstafa rayonunda yeniyetmə və gənclərin hərbi vətənpərvərlik tərbiyəsi işinin yüksəldilməsi məqsədi ilə "Şahin" hərbi idman oyunu üzrə növbəti rayon birinciliyini keçirilmişdir. Yarış Ağstafa şəhər 2 saylı tam orta məktəbində keçirilmişdir. Yarışlarda rayonun 37 tam orta məktəbindən ümumilikdə 518 yeniyetmə iştirak etmişdir.
İlk öncə təbdir iştirakçıları Ümummilli liderimiz Heydər Əliyevin abidəsini ziyarət edərək abidə önünə gül dəstələri qoydular. Tədbirin açlış mərasimində Ağstafa rayon İcra Hakimiyyətinin, Gənclər və İdman idarəsinin, rayon Təhsil şöbəsinin, Səfərbərlik və Hərbi xidmətə Çağırış üzrə Dövlət Xidmətinin Ağstafa rayon şöbəsinin məsul işçiləri yeniyetmə və gənclər qarşısında geniş çıxış etdilər. Maraqlı və gərgin idman mübarizə şəraitində keçən yarışın yekununda 1-ci yerə Saloğlu kənd tam orta məktəbin, 2-ci yerə Həsənsu kənd tam orta məktəbin, 3-cü yerə isə Ağstafa şəhər 2 saylı tam orta məktəbin komandaları layiq görülmüşdür. Qaliblər müvafiq “Fəxri Diplom”lar və müxtəlif hədiyyələrlə təltif olunmuşlar.
.JPG)
