Pnevmatik silahdan güllə atıcılığı üzrə rayon çempionatı keçirildi
Ağstafa rayon İcra hakimiyyəti başçısının 01 aprel 2015-ci il tarixdə Ağstafa rayon tam orta ümumtəhsil məktəblərində hərbi vətənpərvərlik tərbiyəsi işinin gücləndirilməsinə dair imzaladığı müvafiq Sərəncama uyğun olaraq, bu gün məktəblər arasında pnevmatik silahdan güllə atıcılığı üzrə Ağstafa rayon çempionatı keçirilmişdir. Rayon Gənclər Mərkəzinin “İnteraktiv və pnevmatik atıcılıq zalı”nda təşkil olunmuş yarışda rayonun 34 tam orta ümumtəhsil məktəbin komandaları iştirak edirdi.
Maraqlı və gərgin idman mübarizəsi şəraitində keçən çempionatın yekun nəticələrinə əsasən 1-ci yeri Zəlimxan, 2-ci yeri Eynallı və 3-cü yeri Həsənsu kənd tam orta məktəbin komandaları qazandılar. Yarışda şəxsi göstəricilərinə Köçəsgər kənd 1 saylı tam orta məktəbin şagirdi Rəhimov Nağı Araz oğlu ən yaxşı nişançı seçildi. Qaliblər həvəsləndirici hədiyyələrlə təltif olundular.
