Milli Qəhrəmanlarımız haqqında film təqdim olundu

Ağstafa şəhəri, “Yazıçılar evi”ndə  “Vətəndaşların Sosial Rifahının Gücləndirilməsinə Dəstək” ictimai birliyinin təşəbbüsü ilə hazırlanmış Azərbaycanın Milli Qəhrəmanları Nəsibov Mərifət Əhməd oğlu, Alıcanov Rafiq Cəfər oğlu və Çobanov Şamoy Məhyəddin oğlu haqqında  bədii-sənədli film nümayiş etdirilmişdir.
    Tədbirdə rayon İcra hakimiyyətinin məsul işçiləri, rayon ərazisində yerləşən “N” saylı hərbi hissənin zabit və əsgərləri, rayon ictimaiyyətinin nümayəndələri, ziyalılar, Qarabağ müharibəsi əlilləri və iştirakçıları, eləcə də Milli Qəhrəmanların ailə üzvləri iştirak etmişlər.
      Tədbiri giriş sözü ilə Ağstafa rayonu İcra hakimiyyəti başçısının müavini Aydın Hacıyev açaraq hərbi-vətənpərvərlik tərbiyəsinin gücləndirilməsində və Milli Qəhrəmanların gənclər arasında təbliğ olunmasında  filmin əhəmiyyətindən danışdı. Bu filmin hazırlanması üçün   “Vətəndaşların Sosial Rifahının Gücləndirilməsinə Dəstək” ictimai birliyinə və bütün yaradıcı heyətə öz dərin minnətdarlığını bildirdi.
    Sonra ictimai birliyin sədri Venera Əsgərova çıxış edərək filmin Ağstafa rayonunda nümayiş etdirilməsinə göstərilən köməkliyə görə Ağstafa rayon İcra hakimiyyətinə təşəkkür etdi.
     Tədbir bədii-dənədli filmin nümayişi ilə davam etdirildi.