Uşaq Yaradıcılıq Mərkəzinin fəaliyyəti ilə bağlı tədbir keçirildi
Ağstafa şəhər 1 saylı tam orta məktəbində Uşaq Yaradıcılıq Mərkəzinin fəaliyyəti ilə bağlı tədbir keçirilmişdir. Tədbirdə Azərbaycan Respublikası Təhsil Nazirliyinin nümayəndələri, Respublika Turizm Diyarşünaslıq Mərkəzinin şöbə müdiri Elçin Eminov, Yadigar Abdulrəhimli, Ağstafa və Qazax şəhərlərinin Uşaq Yaradıcılıq Mərkəzlərinin şagird və müəllimləri, rayon Təhsil Şöbəsinin məsul işçiləri iştirak edirdilər.
Tədbir iştirakçıları Ağstafa şəhəri Heydər Əliyev adına mədəniyyət və istirahət parkında Ulu Öndərin abidəsini ziyarət edərək abidə önünə gül-çiçək dəstələri qoymuşlar. Bütöv ölkəmizi özündə əks etdirən Azərbaycan parkına ekskursiya etmişlər. Xatirə şəkilləri çəkdirmişlər.
Ağstafa şəhər 1 saylı tam orta məktəbində uşaqların əl işlərindən təşkil olunmuş geniş sərgi ilə yanaşı, məktəblilərin ifasında Dünya Azərbaycanlılarının Həmrəylik Gününə həsr olunmuş şer və mahnılardan ibarət kompozisiyalarda tədbir iştirakçılarının böyük marağına səbəb oldu.
