Körpələr evi-uşaq bağçalarında bayram şənlikləri keçirilir
24 dekabr 2015 | 11:00
Ağstafa rayon məktəbəqədər təhsil müəssisələrində qarşıdan gələn dünya Azərbaycanlılarının Həmrəylik Günü və yeni il bayramı münasibəti ilə bayram şənlikləri təşkil olunur. Bununla əlaqədar olaraq körpələr evi-uşaq bağçalarında yolkalar quraşdırılmış, otaqlar bayraqlarla, rəngarəng zərlər və şarlarla əsil bayram əhval-ruhiyəsində bəzədilmişdir. Şaxta baba və qarqızın müşaiyəti ilə keçirilən şənliklərdə uşaqların ifasında vətənpərvərlik şerləri və mahınları səsləndirilir, əlvan yolka ətrafında yeni il musiqilərinin sədaları ilə dövrə vurulur, bayramlara həsr olunmuş maraqlı kompozisiyalar nümayiş etdilir. Olduqca maraqlı və əyləncəli şəraitdə keçən şənliklər uşaqların böyük sevincinə səbəb olur.
Keçidlər
