Yazın gəlişi ilə bağlı yaşıllıqlara xüsusi qulluq göstərilir
02 aprel 2016 | 11:00
Ağstafa rayonunda yazın gəlişi ilə bağlı genişmiqyaslı təmizlik və yaşıllıqlara qulluq işləri sürətlə davam etdirilir. Rayonun idarə, müəssisə və təşkilat kollektivlərinin könüllü iştirak ilə görülən işlər çərçivəsində şəhərin prospekt, küçə, xiyaban, meydan və istirahət parklarında dekorativ yaşıllıq sahələrinə xüsusi qulluq göstərilir, ağacların dibi şumlanır, suvarılması təmin edilir. Ölkəmizdə mütəmadi qaydada həyata keçirilən kütləvi yaşıllaşdırma tədbirləri çərçivəsində salınmış yaşıllıq sahələrinin qorunması istiqamətində zəruri işlər görülür. Bakı-Qazax avtomobil yolunun kənarı, dəmir yolu xəttinin mühafizə zolağı, eləcə də kəndarası yollar məişət tullantılarından təmizlənir.
Keçidlər
