Rayonun tam orta məktəblərində açıq dərslər keçirilir
Ağstafa rayon ümumtəhsil məktəblərində açıq dərslər təşkil olunur. Dərslərdə rayon Təhsil Şöbəsinin məsul işçiləri və məktəbin müəllimləri müşahidəçi qismində iştirak edirlər. Şagirdlərə mövzulara uyğun suallar verilir. Müasir tələblər əsasında keçirilən dərslərdə şagirdlər aktivlik göstərirlər. Yekunda şagirdlərin bilik səviyyəsi qiymətləndirilir. Növbəti belə açıq dərs Ağstafa şəhər 1 saylı tam orta məktəbin ibtidai sinif müəllimi Vəfa Qurbanova tərəfindən Azərbaycan dili fənnindən "Ana təbiətin uşaqlara məktubu” mövzusunda keçirilmişdir. Şagirdlər "Ulduz”, "Ay”, "Günəş”, "Səma”, ”Yer” adda 5 qrupa bölünüblər. Şagirdlərə "Təbiəti qorumaq üçün insanlar nə etməlidirlər?” tədqiqat sualı ünvanlanıb. Ümumilikdə açıq dərs müşahidəçilər tərəfindən yüksək qiymətləndirilib.
