EKO Keramit zavodunda son tamamlama işləri aparılır
Azərbaycan Respublikasının Prezidenti cənab İlham Əliyevin yerlərdə investisiya qoyuluşunun cəlb edilməsi, sənaye zonalarının yaradılması və əhalinin məşğulluğunun artırılması barədə tapşırığına uyğun olaraq Ağstafada yaradılmış, özündə istehsal və emal müəssisələrini birləşdirən “Karvan-L” EKO sənaye parkı fəaliyyət sahəsini genişləndirməkdədir. Belə ki, sənaye parkında 12 müəssisə fəaliyyət göstərir. Eyni zamanda layihəyə uyğun olaraq 500 kv. metr istehsal gücünə malik EKO Keramit zavodunun və sutkada 2000 ədəd şüşə qablar istehsal edəcək müəssisəsinin tikintisi işləri sürətlə davam etdirilir. Keramit zavodu ərazisi 6,10 hektar sahəni əhatə edir. Zavod sutkada 20 min keramit və 20 min kərpic istehsal gücünə malik olacaqdır və yaxın zamanda istifadəyə verilməsi nəzərdə tutulur. Hazırda inşaat işlərində son tamamlama işləri həyata keçirilir.
