Ağstafa rayonunda “Əhalinin sosial xidmətlərlə təmin edilməsində ünvanlılığın artırılması məqsədilə mövcud sosial xidmətlər haqqında əhali arasında maarifləndirici tədbir keçirilmişdir
Azərbaycan Respublikası Prezidenti cənab İlham Əliyevin 28 avqust 2023-cü il tarixli 4059 nömrəli Sərəncamı ilə təsdiq edilmiş “Azərbaycan Respublikasında sosial xidmətin inkişafına dair 2023-2026-cı illər üçün Dövlət Proqramı”nın həyata keçirilməsi üzrə Tədbirlər Planının 8.4.3-cü (Əhalinin sosial xidmətlərlə təmin edilməsində ünvanlığın artırılması məqsədi ilə mövcud sosial xidmətlər haqqında əhali arasında maarifləndirmə tədbirlərinin həyata keçirilməsi) yarımbəndinin icrası ilə bağlı Ağstafa Rayon İcra Hakimiyyətinin təşkilatçılığı ilə əhali arasında sosial işin təşkili və sosial xidmətlərlə təmin edilməsində ünvanlığın artırılması məqsədilə mövcud sosial xidmətlər haqqında maarifləndirmə tədbirləri həyata keçirilmişdir.
Tədbir çərçivəsində rayon İcra hakimiyyətinin, Sosial Xidmətlər Agentliyinin Qazax-Tovuz Regional Filialının Ağstafa bölməsinin əməkdaşları tərəfindən əhalinin sıx olduğu yerlərdə, idarə müəssisə və təşkilatlarda, sakinlərin kompakt yaşadıqları ərazilərdə görüşülər keçirilmiş, onlarla maarifləndirici söhbətlər aparmış və rayon İcra Hakimiyyəti tərəfindən hazırlanmış maarifləndirici bukletlər paylanılmışdır.
