Ağstafa rayonunda vətəndaşların növbəti səyyar qəbulu Böyük Kəsik kəndində keçirilib
11 iyul 2024 | 17:21
Ölkə rəhbərliyinin müvafiq tapşırıq və tövsiyələrinə uyğun olaraq Ağstafa Rayon İcra Hakimiyyətinin başçısı Seymur Orucov yerlərdə vətəndaşların səyyar qəbullarını davam etdirir. Müvafiq qrafikə uyğun olaraq Böyük Kəsik kənd tam orta məktəbinin binasında təşkil olunan səyyar qəbulda rayonun hüquq-mühafizə orqanlarının rəhbərləri, RİH başçısı aparatının və aidiyyəti təşkilatların məsul şəxsləri, həmçinin kənd ictimaiyyətinin nümayəndələri iştirak ediblər. Qəbulda səsləndirilən müxtəlif məzmunlu məsələlərə dair vətəndaşlara qanunamüvafiq izahatlar verilib. Hər bir məsələ qeydiyyata alınaraq nəzarətə götürülüb, həlli ilə bağlı aidiyyəti üzrə məsul şəxslərə konkret tapşırıqlar verilib.
Keçidlər
