Ağstafada 20 Yanvar faciəsinin 34-cü ildönümü ilə əlaqədar "Azadlığın təməli" adlı tədbir keçirilib
Ağstafa RİH başçısının müvafiq Sərəncamı ilə təsdiq olunmuş Tədbirlər Planına uyğun olaraq rayon Mədəniyyət Mərkəzində keçirilən tədbirdə əvvəlcə Azərbaycan Respublikasının Dövlət Himni səsləndirilib, 20 Yanvar, o cümlədən bütün şəhidlərimizin xatirəsi bir dəqiqəlik sükutla yad edilib.
Daha sonra video çarx təqdim olunub. Çıxışlarda Qanlı Yanvar hadisələri zamanı xalqımızın başına gətirilən müsibətlərdən və Azərbaycan xalqının azadlıq mübarizəsindən söhbət açılıb. Məhz Ulu Öndər Heydər Əliyevin 1993-cü ildə Azərbaycana hakimiyyətə qayıdışından sonra 20 Yanvar faciəsinə siyasi-hüquqi qiymət verildiyi diqqətə çatdırılıb.
Tədbir yerli incəsənət nümayəndələrinin, eləcə də məktəblilərin təqdimatında şəhidlərə həsr olunan ədəbi-bədii kompazisiyalar ilə davam etdirilib.
Mərkəzin foyesində Qanlı Yanvar hadisələrini özündə əks etdirən kitab sərgisi də nümayiş olunub.
