Ağstafanın Vurğun qəsəbəsindən olan 20 Yanvar şəhidimiz Habil Komunar oğlu Əzizovun ailə üzvləri və məzarı ziyarət olunub
Ağstafa RİH başçısı Seymur Orucov müavinləri və rayonun hüquq-mühafizə orqnlarının rəhbərləri ilə birlikdə Vətən oğlunun doğma evində ailə üzvlərini ziyarət edib.
1990-cı il yanvarın 19-dan 20-nə keçən gecə müstəqilliyimiz, suverenliyimiz uğrunda canlarından keçən oğul və qızlarımızın azadlıq, milli şərəf və ləyaqət uğrunda göstərdikləri sücayətdən, eləcə də Ulu Öndər Heydər Əliyevin belə ağır məqamda xalqla birlikdə olmasından və hadisələrə layiqli siyasi-hüquqi qiymətin verilməsindən bəhs olunub. Qeyd olunub ki, Prezident, Ali Baş Komandan İlham Əliyevin rəhbərliyi ilə Şanlı Ordumuz bütün şəhidlərimizin qisasını layiqincə aldı.
Vurğun qəsəbə qəbirstanlığında şəhidin məzarı üstünə tər qərənfillər düzülüb, xatirəsi ehtiramla anılıb.
Şəhidin qardaşı, Etimad Əzizov və digər ailə üzvləri ölkəmizdə şəhid ailələrinə hər zaman göstərilən yüksək diqqət və qayğıya görə Preziednt İlham Əliyev və Birinci vitse-prezident Mehriban Əliyevaya dərin minnətdarlıqlarını bildiriblər.
