“Azəriqaz” İstehsalat Birliyinin “Açıq mikrofon”u bu dəfə Ağstafanın Köçəsgər kəndində baş tutub
22 iyun 2022 | 09:33
SOCAR “Azəriqaz” İstehsalat Birliyinin (İB) növbəti, sayca 91-ci “Açıq mikrofon” aksiyası Ağstafa rayonunun Köçəsgər kəndində baş tutub.
İB-nin Əsaslı tikinti şöbəsinin rəis müavini Əkrəm Əkbərli, Şəmkir Regional qaz istismarı İdarəsinin rəisi Elman Qəmbərov və Birliyin digər məsul şəxsləri sözügedən ünvana gələrək vətəndaşların qaz təsərrüfatına dair problem və təkliflərini dinləyiblər.
Kənd sakinləri Köçəsgər kəndinin təbii qazla təmin olunduğunu, lakin kəndin genişlənən ərazisində (yeni yaşayış massivində) mavi yanacaq olmadığını bildirərək üzləşdikləri çətinliklərdən söz açıblar.
Daxil olan bütün müraciətlər qeydiyyata alınıb, vətəndaşlara lazımi izahatlar verilib.
Keçidlər
