Bakı-Ağstafa-Bakı marşrutu üzrə sürətli qatarla sınaq səfəri təşkil olunub
16 mart 2023 | 10:12
Martın 18-dən etibarən Bakı-Ağstafa-Bakı marşrutu üzrə ilk dəfə olaraq sürətli qatarla sərnişin daşımalarının həyata keçirilməsi üzrə sınaq səfəri təşkil olunub. Marşrut üzrə mənzil başına çatan ilk sürət qatarı ilə “Azərbaycan Dəmir Yolları” Qapalı Səhmdar Cəmiyyətinin sədri Rövşən Rüstəmov Ağstafa rayonuna xidməti səfər edib. Rəsmi qonağı Ağstafa Dəmiryol Vağzalında RİH başçısı Seymur Orucov rayonun bir sıra məsul şəxsləri ilə birlikdə qarşılayıb. Dəmiryol stansiyasında hazırlıqlara baxış keçirilib, müvafiq marşrut üzrə yaxın gələcəkdə fəaliyyəti bərpa oluna biləcək sərnişin stansiyasının texniki vəziyyəti müzakirə edilib.
Keçidlər
