Seymur Orucov Ağstafa şəhərində vətəndaşların növbəti səyyar qəbulunu keçirib
Ağstafa şəhəri 2 nömrəli tam orta məktəbin iclas zalında keçirilən növbəti səyyar qəbulda rayonun rəhbər şəxsləri, aidiyyəti üzrə idarə, müəssisə və təşkilatların səlahiyyətli əməkdaşları və sakinlər iştirak ediblər.
Əvvəlcə 12 dekabr Ümummilli Lider Heydər Əliyevin anım günü ilə əlaqədar dahi rəhbərin və Vətən uğrunda canından keçən şəhidlərin əziz xatirələri dərin ehtiramla yad edilib.
Səyyar qəbulda Ağstafa şəhər ictimaiyyətinin nümayəndələri, Həsənov Elburus Eyvaz oğlu və Babacanova Məleykə Nəsib qızı son zamanlar Ağstafada geniş vüsət alan abadlıq-quruculuq işlərinə görə ağstafalılar adından Prezident İlham Əliyevə dərin minnətdarlıqlarını bildiriblər.
Qəbulda vətəndaşların irəli sürdükləri müraciət və təkliflər qeydiyyata alınaraq nəzarətə götürülüb. Məsələlər ətrafında müzakirələr aparılıb və həlli tədbirləri müəyyən edilib. Həmçinin aidiyyəti üzrə məsul şəxslərə müvafiq tapşırıq və tövsiyələr verilib.
