Seymur Orucov Köçəsgər kəndində növbəti dəfə vətəndaşları dinləyib
06 mart 2025 | 15:24
Ağstafa RİH başçısının Köçəsgər kənd 1 nömrəli kənd tam orta məktəbində keçirdiyi vətəndaşların növbəti səyyar qəbulunda rayonun hüquq-mühafizə orqanlarının rəhbərləri, aidiyyəti təşkilatların məsul şəxsləri və yerli ictimaiyyətin nümayəndələri iştirak ediblər.
Diqqətə çatdırılıb ki, yerlərdə təşkil olunan səyyar qəbulların, sakinlərlə keçirilən görüşlərin başlıca məqsədi vətəndaş məmnunluğunu təmin etmək, əhalinin sosial rifahının yaxşılaşdırılmasına xidmət edir. O cümlədən hər bir vətəndaş “Rəqəmsal İcra Hakimiyyəti” (https://rih.gov.az) portalına daxil olmaqla yaşadığı ünvanı tərk etmədən müxtəlif məzmunlu müraciətini aidiyyəti üzrə göndərə bilər.
Səyyar qəbulda vətəndaşlar tərəfindən qaldırılan məsələlər qeydiyyata alınaraq nəzarətə götürülüb, həlli ilə bağlı aidiyyəti üzrə məsul şəxslərə müvafiq tapşırıqlar verilib.
Keçidlər
