Bilik Fondunun təşkilatçılığı ilə Xocalı soyqırımının ildönümü qeyd olundu
Azərbaycan Respublikasının Prezidenti yanında Bilik Fondunun təşkilatçılığı ilə Ağstafa şəhər 1 №-li tam orta məktəbdə Xocalı soyqırımına həsr edilmiş tədbir keçirildi.
Tədbiri giriş sözü ilə məktəbin əməkdar müəllimi İndira Səmədova açaraq Xocalı soyqırımını bütövlükdə azərbaycanlılara, bəşəriyyətə, insanlıq əleyhinə törədilmiş qəddar cinayət olmasını və bu cinayəti heç vaxt unutmayacaqlarını bildirdi. Daha sonra Bilik Fondunun Ağstafa rayon üzrə nümayəndəsi Leyla İsayeva Xocalı Soyqırımının tarixi və siyasi motivləri haqqında iştirakçılara məlumat verib, ulu öndər Heydər Əliyevin hakimiyyətə qayıtmasından sonra bu qanlı faciəyə ilk dəfə olaraq hüquqi-siyasi qiymət verildiyini, 1994-cü ildə ümummilli liderin təşəbbüsü ilə Azərbaycan parlamentinin fevralın 26-nı Xocalı soyqırımı günü kimi qəbul etdiyini bildirdi.
Tədbir məktəblilərin təqdimatında ədəbi-bədii kompazisiya ilə davam etdirildi.
